Siglir tar il cuntegn

Header

cuntegn

Svizra Corona dat schlantsch a la e-mobilitad

Tenor ina retschertga dal TCS pudess il dumber da novs autos electrics sin las vias svizras crescher pulit.

La crisa da corona ha era in effect sin la popularitad d'autos cun motors electrics. A questa conclusiun vegn il barometer dal TCS davart la e-mobilitad.

In sguard sin las cifras mussa cleramain. Entant ch'ils autos electrics nudavan il 2018 gnanc trais pertschient da las immatriculaziuns novas è quella valur creschida enfin la fin d’avust da quest’onn sin passa diesch pertschient. E quai trend pudess cuntinuar tenor il barometer dal TCS. En la retschertga ha numnadamain prest mintga 10avla persuna inditgà da vulair cumprar in auto electric en il decurs dals proxims trais onns.

Quità per il clima

Raschun principala per la cumpra d'in auto electric saja il quità per il clima, suandà da la persvasiun che la tecnologia ha in grond futur e ch'i rendia la fin finala era da midar ord vista finanziala. Mo i dat era resalvas, cunzunt quai che pertutga l'infrastructura da chargiar. Quella manchia anc en blers lieus.

Il TCS è perquai persvas ch'i dovra ulteriuras stentas per augmentar l'infrastructura electrica per che la tecnologia nova haja success.

RTR novitads 17:00

Artitgels legids il pli savens

Scrollar a sanestra Scrollar a dretga