Ils centers da fitness en Svizra na vulan betg che l’obligatori dal certificat da Covid vegnia extendì sin lur manaschis. Per dumagnar las consequenzas finanzialas duvrassi ulteriurs daners per cas da direzza. Quai ha communitgà la Federaziun svizra dals centers da fitness e da sanadad.
Grondas perditas
Be uschia saja pussibel d’evitar ch’ils centers fetschian concurs. Sch’i dovria en l’avegnir in certificat, vegnian clients betg vaccinads a visar lur abunaments. Dal mars 2020 fin stad 2021 haja la branscha fatg grondas perditas da svieuta. Tut tenor interpresa tranter 20 e 50%. Uschia na possian ins betg curclar ils custs fixs.
Il Cussegl federal decida mesemna en chaussa.