La dumengia ha l’Uffizi federal da sanadad annunzià 152 novs cas da corona aifer in di per la Svizra ed il Principadi da Liechtenstein. Questa cifra è sur la media dals davos set dis. La sonda aveva il BAG communitgà 182 cas, il venderdi 161 cas novs, la gievgia e la mesemna mintgamai 181.
En tut èn uschia vegnidas confermadas dapi l'entschatta da la pandemia 36'603 infecziuns. Il dumber da mortoris en connex cun coronavirus è restà sco il di avant tar 1712.
In nov cas en il Grischun
Il chantun Grischun ha annunzià la dumengia in nov cas da corona, la sonda eran quai anc 2 novs cas. Actualmain èn 53 persunas en quarantina en il Grischun e 20 en isolaziun.
audio
Per tadlar – las novitads da las 14:00
ord RTR Audio dals 09.08.2020.
laschar ir. Durada: 3 minutas 3 Secundas.