Il dumber dals nov infectads cun il coronavirus en Svizra sa reducescha vinavant. Da dumengia sin glindesdi è quel creschì per 280, sco quai che l'Uffizi federal da sanadad communitgescha. Cunquai datti entant 25'580 cas confermads.
Il dumber dals morts en connex cun il virus è s'augmentà sin 885. Quai èn 27 dapli entaifer in di. Fin ussa èn vegnidas testadas passa 196'000 persunas. Tar 15% è il test stà positiv.
Las cifras sa basan sin annunzias che l'uffizi ha survegnì fin glindesdi bun'ura. Ellas pon sa differenziar da quellas ch'ils singuls chantuns communitgeschan.
audio
Per tadlar: Las novitads da las 15:00 uras
ord Novitads dals 13.04.2020.
Maletg: Grafica RTR
laschar ir. Durada: 31 Secundas.