Siglir tar il cuntegn

Header

cuntegn

Coronavirus L’armada è ina terza giada pronta da gidar

Il Cussegl federal ha decidì in’ulteriura giada che l’armada po gidar las autoritads civilas en il cumbat cunter il coronavirus. Maximal 2’500 commembers e commembras da l’armada vegnan en acziun, sche chantuns vegnan a lur cunfins e fan ina dumonda.

En vista als blers cas da corona e la situaziun en ils ospitals, ha il Cussegl federal decidì che l’armada po gidar chantuns ch’èn en las stretgas. Fin a 2’500 commembras e commembers da l'armada duain sustegnair ils ospitals per tgirar e transportar pazientas e pazients da corona. Ultra da quai po l’armada er gidar ils chantuns cun vaccinar

Ils chantuns ston dentant cumprovar en lur dumondas d'agid, che lur resursas civilas na tanschan betg pli. Pia che las capacitads da la protecziun civila, dal servetsch civil e dals pumpiers sajan en diever – sco er dal sectur privat sco persunas senza lavur u students e studentas.

Quest sustegn è planisà fin la fin dal mars dal 2022, e dovra anc l’approvaziun tras il parlament federal.

audio
Per tadlar curt e cumpact
ord RTR Audio dals 07.12.2021.
laschar ir. Durada: 1 minuta 17 Secundas.

RTR novitads 14:00

Artitgels legids il pli savens

Scrollar a sanestra Scrollar a dretga