La Svizra haja puspè avunda mascras da protecziun. Quai ha ditg Daniel Koch da l’Uffizi federal da sanadad en l’emissiun «10vor10». Tenor Koch fan talas mascras surtut senn, sch’ins è sez malsaun u sch’ins lavura en il sectur da la sanadad. En ils auters cas possian ins sa proteger meglier cun lavar savens ils mauns e mantegnair ina tscherta distanza.
La Confederaziun haja il mument 17 milliuns mascras da protecziun. 2 milliuns vegnian duvrads mintga di, uschia Koch. Las ultimas emnas avevi adina puspè dà problems, perquai che pajais vischins avevan bloccà furniziuns da material da protecziun en Svizra.
Dapli fatgs, infurmaziuns ed istorgias chattais qua.