La Svizra saja bain preparada per la varianta Delta dal coronavirus.
Quai manegia Christoph Berger, il president da la cumissiun federala per dumondas per vaccinaziuns.
Bain saja Delta pli contagiusa ch'autras variantas, ha Berger ditg en in'intervista cun la «NZZ am Sonntag». Ils vaccins duvrads en Svizra hajan però mussà in bler meglier effect cunter la nova varianta ch'auters vaccins. La protecziun saja tar la varianta Delta tar bun 90 pertschient. Tar autras variantas tar 92% enfin 95%. Plinavant ha Berger ditg, che la Confederaziun veglia lubir davent da l'emna che vegn da vaccinar giuvenils tranter 12 e 15 onns.