Ils 202 novs cas da corona èn cleramain sut la media da 264 dals davos set dis. Il glindesdi eran stads 157 cas, la dumengia 276 e la sonda 295.
En il Grischun hai dà aifer 24 uras 3 novs cas d’infecziuns. Actualmain è ina persuna en ospital pervi da corona, 176 han da star en quarantina e 25 èn en isolaziun.
Concurrenza tras butias online
L’organisaziun da butias Swiss Retail Federation quinta cun frequenzas pli bassas, perquai ch'ils clients èn mo pli curt en la stizun e guntgeschan anc dapli sin stizuns online.
Spezialmain gronda saja il quità che la forza da cumpra svaneschia en butias online da l'exteriur, scriva la Swiss Retail Federation en ina communicaziun. En la sparta betg mangiativas quinta ella cun 10 fin 30% damain svieuta.