Persunas ch'èn guaridas d'ina infecziun da corona sajan pli ditg immunas che supponì fin ussa. Quai conferma la societad dal fatg germana «Gesellschaft für Virologie» En Svizra vala il certificat da corona per persunas guaridas mo per sis mais, en auters pajais vala quel dentant gia per 12 mais. Ussa po la Svizra suandar a quellas.
Pli ditg che pensà
Tenor virologas e virologs tudestgs sajan persunas ch'èn guaridas d'ina infecziun da corona immunas almain per in onn. Il schurmetg dal virus po schizunt esser pli lung ch'in onn. Quai saja dentant anc betg cumprovà cun studis, perquai ch'i na dettia anc betg ditg avunda il virus. Perquai dumondan ussa expertas ed experts che la valaivladad dal certificat da corona per persunas guaridas valia era per 12 mais, sco per persunas vaccinadas.
