Il venderdi ha l’Uffizi federal annunzià 6’634 novs cas, ch’èn vegnids testads ils davos dis sin il coronavirus. Uschia è la media dals davos set dis tar 3’970, quai èn 106% dapli che l’emna avant.
La rata positiva en la media da set dis è actualmain tar 19,2%. Quai vul dir che da 100 tests eran en la media radund 19 tests positivs. Il BAG annunzia vitiers 10 novs mortoris.
Er il Grischun ha in augment
Las novas cifras ch'il chantun ha publitgà mussan 329 cas activs da corona, quai èn 92 dapli ch'in di avant. Ed en ospitals grischuns hai dà nov 13 pazients che pateschan dal virus, e trais dovran tgira intensiva.
Vitiers ha il chantun Grischun communitgà, ch'els sajan vi da rinforzar la partiziun da contact tracing cun persunas scoladas ord l'administraziun sco era cun glieud dal servetsch civil. E las structuras da manar en ils uffizis chantunals pertutgads vegnan rinforzads, damai ch'il chantun quinta cun in servetsch pli lung.
La direcziun dal stab directiv dal Grischun han Walter Schlegel, il cumandant da la Polizia chantunala – e Martin Bühler, il manader da l’Uffizi da militar e protecziun civila.