En il Tessin è la situaziun precara pervi dal coronavirus. En consequenza da la malsogna dal lom èn actualmain passa 400 persunas ospitalisadas. 69 pazients dovran tgira intensiva e da quels èn 59 vid in apparat da respiraziun. Quai annunzia il stab da crisas tessinais. Tut en tut datti en il chantun Tessin 100 letgs sin staziuns intensivas ch'èn previs per pazients e pazientas ch'han la malsogna Covid-19.
En consequenza da la malsogna èn mortas fin la dumengia a mezdi ulteriuras 6 persunas. Il dumber da mortoris en il chantun dal sid è uschia creschì sin 93. Ultra da quai ha il chantun annunzià ulteriurs 110 cas confermads cun in'infecziun dal coronavirus. Il dumber da cas confermads munta uss en il Tessin a 1837.
audio
Per tadlar: Las novitads da las 18:00
ord Novitads dals 29.03.2020.
Maletg: RTR
laschar ir. Durada: 4 minutas 38 Secundas.