Siglir tar il cuntegn

Header

cuntegn

Coronavirus Turissem da vaccinar s'augmenta

En Svizra s’augmenta l’uschenumnà turissem da vaccinar. Quai scriva la «SonntagsZeitung». Uschia guntgeschian ils Turitgais tar lur tschertga da sa laschar vaccinar simplamain sin auters chantuns. Il chantun da Sviz organiseschia ils termins da vaccinar sur ina plattafurma online. Sch’ins respundia la dumonda davart il domicil en il chantun Sviz simplamain cun Gea, survegnia il requirent er in termin. Las indicaziuns na vegnian betg controlladas.

Nagina obligaziun da controllar las datas

L'ospital ad Einsiedeln, che han salidà ils turists da vaccinar dal chantun Turitg, resumescha: Las indicaziuns da las datas da persunas succedia tras il chantun. L'ospital n'haja nagina influenza sind questas datas e n'haja era nagina obligaziun da controllar questas datas.

16 chantuns dovran la plattafurma DrNow

Questa plattafurma DrNow dovran 16 ulteriurs chantuns, hai num vinavant. Auters chantuns refuseschan dentant da vaccinar persunas che n'abiteschan betg en il correspundent territori.

Tenor la Conferenza svizra da las directuras e dals directurs chantunals da la sanadad saja pir pussaivel da sa laschar vaccinar en in auter chantun, cura ch’i dettia avunda vaccins per tuts.

Survista

Ord l'archiv

Ina visita en il center da vaccinar a Glion mussa, che las sfidas era da la logistica èn grondas.

video
Las piztgadas da vaccinar datti uss er en ils centers
Or da Telesguard dals 26.01.2021.
laschar ir

RTR novitads 11:00

Artitgels legids il pli savens

Scrollar a sanestra Scrollar a dretga