Siglir tar il cuntegn

Header

Lieu da sortida
Legenda: Bars, restaurants e clubs èn stads responsabels per sulettamain 3,5% da las infecziuns tranter ils 16. da fanadur ed il prim d'avust. Keystone
cuntegn

Correctura dal BAG Las bleras infecziuns datti en il conturn famigliar

Las pli bleras infecziuns datti en il conturn famigliar, betg en clubs e discos. L'Uffizi federal da sanadad ha curregì ses statement dal venderdi. Las datas sajan vegnidas attribuidas faussamain.

Il lieu cun las pli bleras infecziuns è pia il conturn famigliar e betg sco rapportà il venderdi la sortida. Alura aveva il BAG publitgà pliras datas sin dumonda dad SRF. Las datas che SRF ha survegnì èn dentant stadas incorrectas. Uss mussa la correctura dal Uffizi federal da sanadad che bunamain in terz da las infecziuns capitan en il circul famigliar.

Tenor il post da communicaziun per dumondas en connex cun il coronavirus dal chantun Grischun, sa mussia in sumegliant maletg er en il Grischun. Cunquai ch'i saja magari grev dad eruir exactamain la via d'infecziun, na dettia però nagina statistica precisa sin livel chantunal.

Probabilitad d'ina infecziun


Dumber d'infecziuns
Pertschient
D'in commember da la famiglia21627,2%
Auter contact9912,5%
Al lieu da lavur698,7%
Tar ina festa privata243,0%
Dal persunal medicinal172,1%
Tar ina fulla da glieud spontana172,1%
Disco/Club
151,9%
Bar/Restaurant131,6%
Betg enconuschent
40,5%
En scola, en scoletta u en canorta20,3%
Tar ina demonstraziun / occurrenza10,1%
Anc nagina indicaziun
31639,8%
Total
793100%

Il motiv per il sbagl è tenor il BAG che las datas sajan vegnidas attribuidas faussamain durant il proceder. Las datas correctas cumpiglian en tut 793 cas da Covid-19. Tut quellas infecziuns èn capitadas durant las ultimas duas emnas. Durant quest temp hai dentant dà dapli infecziuns. Ord differents motivs èn tschertas datas betg vegnidas duvradas per l'analisa. Quella mussa sulettamain in terz da las infecziuns totalas.

Tuttina – attenziun en sortida

Malgrà ch'il dumber da las infecziuns en sortida è betg uschè aut sco communitgà il venderdi avertescha il BAG dal privel. Er dettia en sortida in grond risico che bleras persunas stoppian ir tar in singul cas en quarantina.

Ils sistems chantunals per suandar ils contacts possian entras tals eveniments spert vegnir al cunfin. Gist en quest conturn saja ord quest motiv central da reducir il risico d'infecziuns uschè fitg sco pussibel.

audio
Per tadlar curt e cumpact
ord RTR Audio dals 03.08.2020. Maletg: RTR
laschar ir. Durada: 1 minuta 11 Secundas.

RTR novitads 20:00

Artitgels legids il pli savens