Siglir tar il cuntegn

Header

L'inscripziun sin la porta d'entrada da l'Uffizi federal d'ambient
Legenda: 6 persunas dal BAFU èn accusadas Keystone
cuntegn

Svizra Corrupziun en l'Uffizi federal d'ambient

La procura publica federala fa ina accusa cunter sis persunas da l'Uffizi federal d’ambient BAFU. Las rinfatschas tanschan davent da corrupziun sur falsificaziun da documents enfin ad administraziun malfidaivla da l'uffizi.

En il center da las inquisiziuns stat la surdada da lavurs ad interpresas dad IT externas entras il BAFU, e quai, tranter ils onns 2007 e 2010. La Procura publica federala investighescha dapi il 2010 en chaussa. Il BAFU aveva sinaquai franà in project d'informatica il 2012. Las perditas dal BAFU muntian a 6,1 milliun francs.

L'anteriur manader da project en chaussas IT aveva tranter auter prendì encunter provisiuns illegalas en l'autezza da radund 118'000 francs. Persuenter ha el procurà ch'il BAFU suttascrivia in contract cun questas firmas.

L'inquisiziun penala è succedida en collavuraziun cun la Polizia criminala federala. L'Uffizi federal d'ambient vegn a represchentar la Confederaziun svizra en il process penal sco accusader privat.

RR novitads 11:30

Artitgels legids il pli savens

Scrollar a sanestra Scrollar a dretga