L’anteriur president da la FIFA, Sepp Blatter, na vegn probabel betg pli accusà d’avair vendì dretgs da televisiun per in pretsch memia bunmartgà.
La Procura publica federala haja terminà la inquisiziun penala e saja curt avant sistir la procedura penala, sco l’autoritad ha annunzià als pertutgads. Ina pledadra da la procura publica ha confermà in rapport da gasettas.
Ina segunda procedura penala va vinavant. En lezza vai per in pajament dubius da dus milliuns francs che Blatter haja fatg il 2011 al president da la UEFA Michel Platini.
Sepp Blatter da sia vart ha infurmà ch'el vegnia ad inoltrar ina dumonda da reabilitaziun a la Fifa, cura che questa procedura saja serrada giu.
Ord l'archiv
video
Sepp Blatter davant il Tribunal federal
Or da News-Clip dals 26.03.2019.
laschar ir. Durada: 21 Secundas.
