Svizra - Cosovars ed Africans vegnan pli savens illegal en Svizra
Ils Cosovars tutgan sper las persunas da l'Africa tar ils burgais che vivan il pli savens illegalmain en Svizra. Quai mussa la nova statistica dal corp da guardias da cunfin.
Dapi l'entschatta da l'onn evaluescha quel las entradas illegalas en Svizra, er tenor pajais d'origin. Tranter il schaner e mars han las guardias da cunfin arrestà passa 3’280 esters pervi da suspect da dimora illegala. Da quels derivan radund 440 da la Gambia. Cun bunamain 370 suondan ils Cosovars sin plazza 2, quai avant la Nigeria ed il Senegal.
