Siglir tar il cuntegn

Header

purtret d'ina dunna che survegn gist ina squitta dal vaccin da corona.
Legenda: Keystone
cuntegn

Covid-19 3 milliuns persunas en Svizra vaccinadas

En Svizra èn gia passa trais milliuns persunas vaccinadas cumplainamain. Dals 24 enfin ils 30 da zercladur han ins squittà 509'271 dosas dal vaccin encunter Covid-19. Quai scriva l'Uffizi federal da sanadad.

En Svizra èn entant passa 3 milliuns persunas vaccinadas cumplettamain encunter corona. Quai èn 36% da la populaziun. Ulteriurs 15% han entant survegnì l'emprima dosa (prest 1,3 milliuns persunas). Il dumber da las novas infecziuns è restà sin in nivel constant bass. Venderdi ha il BAG annunzià 158 novs cas. Cumpareglià cun l'emna passada, è la cadenza da vaccinar ida enavos per 12%.

Tenor Swissmedic è il medem temp però er creschì il dumber d'annunzias da persunas, ch'han gì effects secundars. Cumpareglià cun avant duas emnas, hai dà 500 annunzias dapli cun 3'500. La gronda part u prest 68% dals pertutgads èn dunnas. E surtut persunas ch'han survegnì il vaccin da Moderna, sa lamentan d'effects secundars. Tar la gronda part u tar passa 60% sa tracti tenor Swissmedic però d'effects secundars betg gravants.

RTR novitads 17:00

Artitgels legids il pli savens

Scrollar a sanestra Scrollar a dretga