Siglir tar il cuntegn

Header

cuntegn

Covid-19 Chantuns sa preparan sin terza vaccinaziun

Ils chantuns sa preparan sin la terza vaccinaziun cunter Covid-19. Quai ha confermà il secretari general da la Conferenza svizra da las directuras e dals directurs chantunals da sanadad, Michael Jordi a la «NZZ am Sonntag».

Chasas da tgira èn mira

En il focus sajan las chasas da tgira. La terza squitta stoppia vegnir dada ad uras e betg pir l’enviern, cura ch’er la grippa saja puspè in tema dasper corona. Quai pretenda Christian Streit, il maina-fatschenta da l’uniun Senesuisse che cumpiglia 400 chasas da tgira. Tenor l’Uffizi federal da sanadad n’èsi actualmain anc betg cler tgi che dovria tut tenor ina terza dosa. Il vaccin da Pfizer/Biontech e Moderna ch'i dovra per la terza vaccinaziun stat entant a disposiziun. Ina terza vaccinaziun è il mument previsa be per persunas cun problems dal sistem d'immunitad. Cifras dal BAG mussan, ch'il dumber da las persunas sur 80 onns che han las davosas emnas stuì ir en l'ospital è creschì.

Ord l'archiv

video
Corona malgrà vaccinaziun
Or da Telesguard dals 09.04.2021.
laschar ir. Durada: 2 minutas 32 Secundas.

RTR novitads 08:00

Artitgels legids il pli savens