La banca gronda Credit Suisse ha gudagnà pli pauc il terz quartal da l’onn. Sut il stritg haja ella fatg in gudogn da 434 milliuns francs – in minus da 21% cumpareglià cun la medema perioda da l’onn passà. Quai ha communitgà la CS.
D’attribuir saja quest resultat cunzunt a custs per dispitas giuridicas da 564 milliuns. 214 milliuns da quai pervi dal cas en il Mosambic en l’Africa. Al pajais han ins relaschà daivets. La banca ha entant er mess en salv daners per il cas dal «Greensill-Fonds». Là smanatschan sperditas da milliardas als investiders da la CS.
Percunter saja la svieuta s’augmentada per 5% sin 5,4 milliardas francs. Per l'ultim quartal quinta la banca dentant cun cifras cotschnas: Quai pervi dad ina rectificaziuns da la valur.