La banca gronda para da sa revegnir. Cun las cifras preschentadas ha ella er surpassà las spetgas dals analists. Ultra da quai haja la banca spargnà radund ina mesa milliarda francs. Fin la fin da l'onn veglia ella reducir la basa da custs sut 17 milliardas francs. Quai ha communitgà la Credit Suisse.
La fin da zercladur ha la banca gronda administrà facultad en valita da 1'398 milliardas francs. Quai èn radund 18 milliardas francs dapli ch'anc la fin da mars.
Las prognosas per il rest da l'onn èn percunter plitost precautas. Quai en vista als svilups geopolitics e las tensiuns al martgà mundial.
Ils investiders han reagì a moda positiva sin las cifras da la banca. Il curs da l'aczia da la CS noda in plus da 2,9%.
RR novitads 09:00
