Svizra - Credit Suisse en il visier da la giustia taliana
La banca gronda Credit Suisse è para en il visier d'investigaders da taglia en l'Italia. Tenor circuls da la giustia vegn la banca svizra suspectada d'avair gidà Talians ritgs da zuppentar daners da la taglia.
Sut la marella vegnia surtut prendì in sistem cun il qual fin 14 milliardas euros sajan vegnids zuppentads da las autoritad da taglia. En quest connex aveva la polizia da finanzas gia intercurì avant 1 onn ils biros da la Credit Suisse a Milano.
