Per questa reorganisaziun da l'interpresa stoppian ins reducir plazzas, ha communitgà la Credit Suisse. Plinavant vegnia la banca er a reducir il dumber da filialas da 146 sin 109. Las bleras filialas vegnan serradas en l'Argovia.
Neue Aargauer Bank vegn integrada en la CS
Entras la reorganisaziun vegn la Credit Suisse a serrar 37 filialas en l'entira Svizra. La Neue Aargauer Bank, ina instituziun cun in'istorgia da passa 200 onns, duai vegnir integrada cumplainamain en la CS.
La NAB ha quatter filialas en l'Argovia, ad Aarau, Baden, Rheinfelden e Zofingen. Tenor las gasettas da CH-Media duain quellas filialas vegnir restructuradas e da nov ir en maun da la CS. Quantas plazzas che vegnan stritgadas n'è anc betg enconuschent. Ina reducziun da plazzas saja dentant «inevitabla», hai num en la communicaziun.
