Siglir tar il cuntegn

Header

cuntegn

Credit Suisse Nov president dal cussegl d'administraziun

António Horta-Osório ch'è vegnì elegì cun passa 96% da las vuschs suonda ad Urs Rohner. Er ils ultierus vegls commembers dal cussegl d'aministraziun ch'èn sa mess a disposiziun èn vegnids elegids u reelegids, però cun pli paucas vuschs.

Il nov president dal cussegl d'adminstraziun ha empermess ina midada da cultura suenter ils debachels cun fonds. El veglia promover ina cultura che rinforzia il management da ristgs e focusseschia sin responsabladad persunala. En ses pled ha António Horta-Osório però er accentuà ch'i vegnian anc grevs temps e decisiuns diras per la banca.

Demissiun paucas uras avant la radunanza d'acziunaris

Paucas uras avant la radunanza generala da la banca gronda aveva il cusseglier adminstrativ d'enfin uss, Andreas Gottschling retratg sia candidatura. El era vegnì crititgà fermamain suenter ils debachels cun fonds che han chaschunà grondas perditas per la Credit Suisse.

audio
Per tadlar: Las novitads da las 15:00
ord RTR Audio dals 30.04.2021.
laschar ir. Durada: 3 minutas 9 Secundas.

RTR novitads 15:00

Artitgels legids il pli savens