Svizra - Credit Suisse terminescha emprima fasa d'auzament da chapital
La banca gronda svizra Credit Suisse ha serrà giu in’emprima fasa d’auzament da chapital. Ella ha vendì a clients exclusivs 58 milliuns aczias à 22,75 francs, quai che ha purtà in retgav brut da 1,32 milliardas francs.
Tar quest’emprima fasa n’han ils acziunaris actuals betg pudì retrair aczias. En la segunda fasa dastgan ils acziunaris da fin qua cumprar ina tscherta cumpart. Questa segunda fasa duess alura purtar in retgav da 4,7 milliardas francs per la banca.
Cun quest auzament da chapital vul la Credit Suisse finanziar la restructuraziun interna da la banca.
