Siglir tar il cuntegn

Header

cuntegn

Svizra Credit Suisse: Thiam ha gudagnà bunamain 12 milliuns francs

Tut en tut ha la banca gronda pajà or per l'onn passà 3,1 milliardas francs boni – malgrà ina perdita da 2,7 milliardas.

  • La Credit Suisse (CS) ha fatg il 2016 dapli perdita che quintà.
  • Sut il stritg munta la perdita a 2,71 milliardas francs.
  • Il favrer aveva la CS anc discurrì dad in minus da 2,44 milliardas francs.
  • Il schef da la CS Thiam ha suvegnì totalmain 11,9 milliuns francs.

Il schef da la Credit Suisse, Tidjane Thiam, ha gudagnà l'onn passà bunamain 12 milliuns francs. Quai resulta dal rapport da gestiun da la CS. La segunda mesadad dal 2015 era Thiam daventà schef da la banca. Durant quels radund sis mais aveva el gudagnà 4,6 milliuns francs.

Ils 13 commembers da la direcziun da la Credit Suisse han gudagnà tut en tut radund 82 milliuns francs.

Dapli perdita il 2016

Sper las pajas ha la Credit Suisse era anc curregì las cifras da l'onn passà. Sut il stritg ha la segund gronda banca da la Svizra stuì nudar ina perdita da 2,71 milliardas francs l'onn 2016. Quai è dapli che spetgà: Il favrer aveva la Credit Suisse numnadamain anc quintà cun ina perdita da 2,44 milliardas francs. La correctura saja necessaria pervi da reservas en connex cun ulteriuras dispitas giuridicas en ils Stadis Unids, ha communitgà la banca.

RR novitads 08:00

Artitgels legids il pli savens