Suenter differentas razzias en filialas da la Credit Suisse a Londra, Paris ed Amsterdam l’emna passada, ha la banca lantschà ina campagna per meglierar sia reputaziun.
La banca ha plazzà inserats en differentas gasettas en la Gronda Bretagna, la Frantscha ed en ils Pajais Bas. La Credit Suisse accentuescha en ils inserats da persequitar ina politica da null toleranza envers defraudaders da taglia.
Terminà relaziuns cun clients
Dapi 2011 haja la banca intimà ses clients europeics da cumprovar ch’els declerian a la taglia tut ils daners ch’els hajan deponi tar la Credit Suisse. La banca haja terminà las relaziuns cun clients che n’hajan betg preschentà documents giustificativs. Quai resorta dals inserats.
RR novitads 14.00
