Siglir tar il cuntegn
Inhalt

Svizra Criminalitad da cyber: Cugliunaders vegnan pli raffinads

Cugliunaders d'internet scrivan adina dapli e-mails che paran d'esser d'autoritads uffizialas u da firmas svizras. Ils cugliunaders daventan adina pli raffinads. Da quai avertescha il post d'annunzia da la Confederaziun MELANI.

Mauns vid scriver in code d'attaca da cyber vid il laptop.
Legenda: Cugliunaders da cyber fan savens finta da tramtetter e-mails da posts uffizials. Keystone

Uschia empermettia in e-mail che derivia da l'administraziun da taglia ina restituziun da la taglia.En in auter cas saja ina persuna vegnida citada avant dretgira dad ina adressa da polizia falsifitgada.

MELANI cusseglia da betg avrir annexas e betg cliccar sin links

Il post d'annunzia da la Confederaziun MELANI cusseglia da betg avrir e-mails suspectus. Ils cugliunaders vulan cuntanscher che las unfrendas avrian annexas dad e-mails u fetschian in clic sin links dubius. Uschia pudess software nuschaivla s'installar sin il computer. Da quai avertescha MELANI.

RR novitads 14:00