Dretgiras svizras han l'onn passà tractà uschè blers cas gronds da criminalitad economica sco anc mai - numnadamain 91. L'onn avant eran quai anc 77. Quai resulta dad ina statistica da l'interpresa da cussegliaziun KPMG. Dentant saja il donn total stà cun 280 milliuns francs relativamain bass. Quai pervi ch'i haja ils ultims onns dà intgins fitg gronds cas - declera KPMG.
La statistica da KPMG sa basa sin cas cun in donn d'almain 50 milli francs.
RR Novitads 16:00