Per la protecziun d'uffants e la persecuziun penala èn en Svizra ils chantuns responsabels. Differents acturs tar la Confederaziun, en ils chantuns ed en las vischnancas cumbattian oz en il spazi da cyber l'abus sexual cunter uffants. Quella lavur saja necessaria e stoppia vegnir rinforzada, uschia il Cussegl federal.
«Uffants e medias»
Plinavant dovria era tar la prevenziun dapli schlantsch, hai num en il rapport. Era geniturs, scolastas e scolasts ed autras persunas da referenza duain pudair infurmar davart il tema – sper ils uffants ed ils giuvenils.
Perquai vul il Cussegl federal metter enturn atgnas mesiras en il rom da la plattafurma naziunala «Uffants e medias» da l'Uffizi federal d'assicuranzas socialas. Geniturs e persunas dal fatg chattan là tips co ir enturn cun quests delicts e chattan là era contacts per problems e cas d'urgenza.
Or da l'archiv:
