Siglir tar il cuntegn

Header

Illuminaziun da Nadal
Legenda: Keystone
cuntegn

Crisa d'energia Citads vulan spargnar electricitad

  • Aua pli fraida en bogns cuverts e pli paucas stailas traglischantas durant il temp d'advent: L'Uniun da las citads svizras ha elavurà ina glista da mesiras, cun quellas ch'il maun public po voluntarmain spargnar electricitad.
  • Las recumandaziuns duain vegnir deliberadas definitivamain las proximas emnas e duain vegnir communitgadas en detagl.

Quai ha explitgà il directur da segirtad ed energia da la citad da Berna envers l'agentura da novitads Keystone-SDA. Cun quai conferma el rapports correspundents da differentas gasettas da dumengia.

Potenzial da spargn enorm

I sa tractia da mesiras che citads e vischnancas possian implementar sin basa voluntara. Il potenzial da spargn saja enorm. Las citads possian per exempel sbassar la temperatura interna en lur immobiglias per in fin dus grads u en tscherts lieus era serrar giu dal tut l'aua chauda.

Illuminaziun da Nadal fiss in messadi fallà

Pussaivel fissi era da reducir u schizunt da desister dal tut sin l'illuminaziun da Nadal. En vista dals appels publics per spargnar electricitad, tramettessan vias ornadas cun glischs in messadi fallà.

    RTR novitads 12:00

    Artitgels legids il pli savens

    Scrollar a sanestra Scrollar a dretga