Siglir tar il cuntegn

Header

cuntegn

Crisa da corona Activissem per examinar l’agir durant la pandemia

Uffizis federals, chantuns e partidas – els tuts lavuran vi da passa ina dunsaina dad evaluaziuns davart la pandemia da corona. Quai scriva la «SonntagsZeitung».

L’Uffizi federal da sanadad BAG ha per exempel gia decidì il zercladur passà, da laschar prender sut la marella la via co la crisa da corona è vegnida cumbattida. Dus biros d’evaluaziun e las universitads da Lucerna e Genevra intercureschan l’agir.

Vuschs che averteschan

Intginas politicras e politichers teman però ch’i vegnia fatg bunamain in zic memia bler. Questas activitads sajan impurtantas, citescha la «SonntagsZeitung» la cussegliera naziunala da l’Allianza dal Center Ruth Humbel. Ella speria però ch’ins na perdia betg la survista ed il focus.

Ed il schef da la fracziun da la partida populara Thomas Aeschi tema numnadamain, che las inquisiziuns da la Confederaziun e dals chantuns na sajan betg independentas. Perquai vul la PPS ina cumissiun d’inquisiziun parlamentara, davart la gestiun en connex cun corona.

audio
Per tadlar curt e cumpact
ord RTR Audio dals 20.02.2022.
laschar ir. Durada: 58 Secundas.

RTR novitads 12:00

Artitgels legids il pli savens

Scrollar a sanestra Scrollar a dretga