Siglir tar il cuntegn

Header

cuntegn

Crisa da corona – actual Dumber d'infecziuns crescha puspè exponenzialmain

En Svizra crescha il dumber da cas da corona puspè fitg ferm, a moda exponenziala. L'Uffizi federal da sanadad quinta da puspè surpassar la marca da 1000 cas da novas infecziuns per di. La buna novitad saja ch'ins na registreschia betg dapli mortoris u ospitalisaziuns.

Mardi ha l'Uffizi federal da sanadad registrà 707 novs cas. Cun quai è la media da 7 dis tar 541, quai che correspunda ad 84% dapli che l'emna avant. La quota da positivitad è actualmain tar 2,5% – pia mintga 40avel test è positiv.

Nagina creschientscha tar mortoris ed ospitalisaziuns

La media da 7 dis tar las novas ospitalisaziuns en Svizra saja sin nivel bass tar 3 fin 4 ospitalisaziuns. Ussa saja la finamira da proteger il sistem da sanadad, ch'el na vegnia betg surchargià, ha ditg il manader da la secziun per dumagnar crisas, Patrick Mathys, davant las medias.

Mathys: «Varianta delta dominescha»

Dapli infecziuns novas cun Covid-19 datti surtut tar persunas che n'èn betg vaccinadas e da quellas surtut tar persunas pli giuvnas. Il mument saja la varianta da Delta dominanta en Svizra – vul dir 75% dals cas.

RTR novitads 15:00;

Artitgels legids il pli savens