Dapi l'entschatta da la crisa da corona ha l'Agid da muntogna gia sustegnì 79 interpresas pitschenas ch'èn pertutgadas da la crisa da corona – quai cun tut en tut var 1,8 milliuns francs. Durant questa emna vegn l'organisaziun uss anc ina giada a pajar ora var 800'000 francs a 38 firmas pitschnas.
Tut ils manaschis che survegnan uss sustegn finanzial, han gia avant la crisa da corona survegnì daners da l'Agid da muntogna per far investiziuns ed han uss duvrà si lur reservas. Cun ils daners supplementars protegia l'Agid da muntogna pia quellas investiziuns sco er las plazzas da lavur en las interpresas pitschnas.