Siglir tar il cuntegn

Header

In hotel Garni en la muntogna.
Legenda: Keystone
cuntegn

Crisa da corona Agid svizzer per la muntogna presta dapli agid

Tar l’Agid svizzer per la muntogna èsi vegnì fatg l’onn passà dapli controllas pervia da la crisa da corona. Las voluntarias ed ils voluntaris han perquai lavurà radund 150 dis dapli ch’usità, per garantir ch’ils daners da donaziuns vegnan er duvrads endretg.

Dasper las 8'500 uras sco auters onns, hai dà 1'200 uras supplementaras, scriva l'Agid svizzer per la muntogna en sia communicaziun.

Agid immediat da dus milliuns francs

Pervia da la crisa da corona ha l’Agid svizzer per la muntogna sustegnì l’onn passà radund 100 projects cun dus milliuns francs agid immediat. Ils daners èn ids ad interpresas pitschnas ch’èn stadas ordvart pertutgadas da la crisa. Perquai hajan ils voluntaris gì dapli lavur.

Per onn sustegna la fundaziun passa 600 projects cun radund 35 milliuns francs. L’organisaziun vegn sulettamain finanziada entras donaziuns.

RTR novitads 12:00

Artitgels legids il pli savens

Scrollar a sanestra Scrollar a dretga