La BNS haja adina ditg dapi ch’il curs minimal da l’euro saja vegnì schlià, ch’ella vegnia ad intervegnir sin il martgà da devisas sch’i fetschia basegn. La situaziun da questa fin d’emna en Grezia giustifitgeschia questa intervenziun. La dimensiun e la cuntinuaziun da las intervenziuns n'ha el betg vulì commentar.
Suenter che la crisa da la Grezia è s'intensivada han era las bursas europeicas cumenzà l'emna cun grondas perditas. La bursa svizra SMI ha pers al cumenzament 3%, actualmain è la perdita tar 1,22 %.
Cler minus nodan era ulteriuras bursas europeicas, a Francfurt ed a Paris datti minus da passa 4 %, a Londra in minus da 2 %. La bursa ad Athen resta serrada fin ils 6 da fanadur, quai han communitgà las autoritads.
RR novitads 11:00