Las organisaziuns da l'ambient svizras e da la protecziun dals animals cumbattan la lescha che vul lubir da sajettar giu animals protegids. Sche la lescha da chatscha, che vegn discutada damaun en il Cussegl dals chantuns, na vegnia betg meglierada considerablamain lantschian las organisaziun il referendum.
La revisiun da la lescha da chatscha è ina consequenza da la moziun da Stefan Engler che vul ch'i vegn pli simpel da sajettar giu il luf. La revisiun ch'è uss sin maisa va dentant pli lunsch: Tut ils animals protegids fissan pertutgads, sco per exempel il luf-tscherver u il castur.
audio
Bunura: Regulaziun dals lufs – discurs cun Engler e Semadeni
ord Actualitad dals 05.06.2018.
laschar ir. Durada: 4 minutas 56 Secundas.
RR novitads 12:00
