En la citad da Turitg han pliras tschient persunas demonstrà la mesemna saira cunter il WEF a Tavau. Strusch ch'il til tras il Kreis 4 aveva cumenzà, han ils participants dà fieu a las emprimas rachetas illuminantas. Curt suenter hai dà ina confruntaziun cun la polizia. In policist è vegnì blessà, sco quai che perditgas rapportan.
Organisà la demonstraziun han la JUSO ed ils Giuvens Verds. Er ulteriuras partidas da la sanestra èn però stadas da la partida. Tranter quellas er in tozzel persunas mascradas dal «Bloc Nair». La polizia da la citad aveva lubì la demonstraziun.
RTR novitads 20:00