Il president d'economiesuisse, Heinz Karrer, renfatscha al Cussegl federal d’agir esitant durant la pandemia da corona. Avrir l’economia stoppia ir pli svelt. Quai ha ditg il president da l'Uniun tetgala d'economia envers la «NZZ am Sonntag». Per differentas branschas, sco per exempel il turissem u la gastronomia, manchia plinavant la perspectiva.
La stagiun da stad vegnia per bleras interpresas ad esser decisiva. Quellas stoppian pudair planisar lur avertura. Dal punct da vista d’Economiesuisse fissi stà necessari ch’era il commerzi en detagl avess puspè pudì avrir il glindesdi sias portas.
