La Controlla federala da finanzas crititgescha uss dentant en in rapport che quella plattafurma per medicaments na saja betg avunda detagliada e cumplessiva. Tenor opiniun da la controlla federala stuessan era meds d’agid medicinal vegnir tschiffads sin quella plattafurma, sco per exempel respiraturs. Gist la pandemia da corona haja numnadamain mussà fitg bain, quant impurtant che quai fiss.
En pli pretenda la controlla da finanzas che la glista cun stretgas da medicaments vegnia extendida sin medicaments per animals. Essenzial saja era che las datas vegnian tschiffadas a moda betg cumplitgada ed a moda automatisada.