Siglir tar il cuntegn

Header

cuntegn

Critica per bancas mesaunas Plans d'urgenza na tanschan tenor la Finma betg

La Surveglianza federala dals martgads da finanzas (Finma) crititgescha fermamain ils plans d'urgenza da pliras bancas che sa focuseschan sin il martgà interiur. Quels plans na sajan betg realisabels.

La Postfinance, la Raiffeisen e la Banca chantunala Turitgaisa na pudessan betg pli vegnir rechapitalisadas u manadas vinavant en cas ch'i dess ina crisa. Quai scriva la Finma en ses giudicament annual. Quellas bancas hajan reservà memia paucs meds per absorbar perditas. La Raiffeisen e la Banca chantunala turitgaisa avessian bain avunda chapital per ademplir las pretensiuns, ma ellas n'hajan betg fatg las midadas necessairas, uschia la valitaziun da la Finma. Tar la Postfinance dependia anc bler da la reviuns da la lescha davart la reorganisaziun da la Posta e da las garanzias che la Confederaziun dettia en quest connex.

Auter guardia quai or tar las bancas grondas. Là constatescha la Finma ulteriurs svilups positivs. Per pudair concluder la tematica «dad esser memia grond per ir concurs» dovria però er 10 onns suenter la crisa da finanzas anc ulteriuras mesiras da tuttas varts.

audio
Per tadlar: Las novitads da las 10:00
aus RTR Audio vom 24.03.2022.
abspielen. Laufzeit 3 minutas 9 Sekunden.

RTR novitads 12:00

Artitgels legids il pli savens

Scrollar a sanestra Scrollar a dretga