En la citad da Turitg èn millis velocipedistas e velocipedists sa participads ad in cortegi da demonstraziun. Quel ha per part bloccà il traffic sin vias e cruschadas.
Pertutgadas eran er lingias da tram e bus. Envers la gasetta Tagesanzeiger ha la polizia concedì da betg avair quintà cun tantas participantas e participants. I saja pussaivel ch'i saja stà vers 10'000 velocipedistas e velocipedists.
Adina l'ultim venderdi dal mais ha lieu demonstraziuns cun velo, uschenumnadas «Critical Mass». Quellas vulan mussar che velos n'èn nagin impediment mabain er part dal traffic.