Siglir tar il cuntegn

Svizra Crudada d'aviun a Würenlingen na vegn betg examinada da nov

L'attentat da Würenlingen sin in aviun da la Swissair l'onn 1970 na vegn betg examinà da nov. La procedura penala saja surannada, ha la Procura publica federala communitgà. Ina persuna privata vuleva ch'il cas vegnia anc ina giada tractà.

Perquai ch'in document da la polizia americana FBI è vegni publitgà da nunenconuschents, vuleva ina persuna privata ch'il cas vegnia tractà da nov. Il document mussia indizis, che dus Tudestgs nunenconuschents pudessian esser stads involvids en l’attentat. Tenor la Procura publica federala na basta il document dentant betg per far anc ina giada retschertgas.

Tschertga internaziunala vana

L'onn 2000 era il cas vegni terminà. Quai suenter che la Svizra aveva tschertgà internaziunal dus delinquents supponids da la Palestina, dentant betg chattà quels. Tenor las retschertgas è la Front populara per la deliberaziun da Palestina stada responsabla per l’attentat.

Ils 21 da favrer 1970 era explodida ina bumba en in aviun da la Swissair. L’aviun è crudà giu a Würenlingen en il chantun Argovia. Tut ils 47 passagiers èn morts. Il cas Würenlingen è la pli gronda attatgà terroristica en l’istorgia svizra.

RR novitads 17:00