La via da l’Axen al Lai dals Quatter Chantuns tranter Brunnen (Sviz) e Flüelen (Uri) resta serrada per almain otg emnas. Quai ha ditg l’uffizi federal per vias ASTRA.
Il motiv èn dus grips da 200 e 300 meters cubic che smanatschan da crudar giu. Quels sa laschian mo dismetter cun sforzs pli gronds. La dumengia suentermezdi era in grip da 12 tonnas crudà giu e sa ferma sut la via tranter Flüelen e Sisikon. Quai dentant senza donnegiar la via.
Lavurs ord il helicopter
Da dismetter ils dus grips dal helicopter ora è grev e pretensius. Ord motivs da segirezza na dastg'ins betg entrar en il territori perquai ch'i dat nagina pussaivladad da fugir. Ils lavurants ston perquai lavurar pendent vid ina suga ord il helicopter.
RR novitads 15:00