Svizra - Crudada dal curs d'aczias cuntanscha era Svizra
Suenter ch'il curs d'aczias è crudà en ils Stadis Unids e l'Asia, suondan era l'Europa e la Svizra. Il Swiss market index, SMI, ha pers 1,5 % oz a bun'ura tar l'avertura da la bursa. Radund 20 minutas suenter il start era el anc tar in minus dad 1,2%. Quai è il stan il pli bass dapi fanadur.
En Germania perda il Dax 1,3% ed è uss sin il stan il pli bass dapi il 2017. Uss è el tar 0,7% en il minus. Avant aveva il martgà a New York passentà in dals menders dis da quest onn. La dispita da commerzi tranter ils Stadis Unids e la China e la tema da tschains che creschan sin il martgà american han laschà patir ils curs. Quai ha anc rinforzà il trend dals ultims dis.
