Siglir tar il cuntegn

Header

Navigaziun

Logo da Credit Suisse vi da l'entrada da la banca.
Legenda: Credit Suisse ha il 2018 puspè pudì far in gudogn – quai suenter 4 onns cun perditas. Keystone
cuntegn

Svizra CS ha fatg 2 milliardas francs gudogn

La Credit Suisse ha fatg l'onn passà l'emprima giada dapi il 2014 puspè in gudogn – quai cun reducir custs e risicos.

L'onn da fatschenta 2018 ha la banca gronda Credit Suisse pudì realisar in gudogn net da 2,06 milliardas francs, quai tenor communicaziun da la gievgia. L'onn avant aveva ella anc fatg ina perdita da 983 milliuns francs. Ed ils trais onns avant aveva la banca mintgamai fatg perditas da milliardas pervi da effects spezials.

Cun las cifras da gudogn actualas ha la banca superà las spetgas dals analists. Quels avevan spetgà en media in gudogn da 1,97 milliardas francs. Las pli impurtantas pitgas per il resultat positiv èn stadas il martgà en Svizra sco er la fatschenta internaziunala d'administrar facultads. Quitads fa però anc adina il commerzi cun vaglias.

RR novitads 09:00