CS sa cunvegna da pajar 135 milliuns ad USA

Pervi dal scandal da devisas ha la banca gronda Credit Suisse fatg ina enclegientscha en ils Stadis Unids. Ell'è sa cunvegnida da pajar 135 milliuns dollars. Quai han communitgà la surveglianza da finanzas americana e la CS.

Purtret da la Credit Suisse a New York. Bild in Lightbox öffnen.

Legenda da maletgs: La Credit Suisse è sa cunvegnida en ils Stadis Unids. Keystone

La banca gronda Credit Suisse è sa cunvegnida cun la surveglianza da finanzas americana. Els ston pajar in chasti da 135 milliuns dollars. La cunvegna cun la surveglianza da finanzas regleschia tuttas reproschas davart fatschentas monetaras per telefon ed incumbensas electronicas tranter ils onns 2008 e 2015., uschia la banca.

La CS na renconuschia dentant naginas da las reproschas u avanzaments d'avair cugliunà. Ins saja dentant cuntent d'avair chattà ina cunvegna ed uschia avair serrà giu questa chaussa, uschia la banca vinavant.

Plinavant è la CS sa declerada pronta da rinforzar sias controllas e directivas. Latiers vul ella engaschar in cussegliader che duai survegliar las novas praticas per almain in onn.

RR novitads 06:00