Siglir tar il cuntegn

Svizra CS sco piuniera - retrair daners cun telefonin

Clients da la Credit Suisse na dovran bainbaud betg pli ina carta, sch'els vulan retrair daners dad in bancomat. Sco emprima banca en Svizra pussibilitescha la CS pajaments via telefonin.

bancomat, in maun prenda la bancnota da 100 francs
Legenda: Bainbaud pon ins retrair daners al bancomat senza carta, mabain cun il telefonin. Keystone

A partir dals 12 da fanadur saja il nov sistem en funcziun, communitgescha la banca gronda. Radund 330 automats da daners da la Credit Suisse e da la Neue Aargauer Bank, ina figlia da la CS, èn vegnids equipads cun la nova tecnologia che funcziuna cun ina atgna applicaziun da la banca.
Sin il telefonin definescha il client quants daners ch'el vul retrair. Lura survegn el in code QR che sto lura vegnir legì en da l'automat per far la transacziun.

RR novitads 15:00