Siglir tar il cuntegn

Header

Navigaziun

cuntegn

Svizra CSS vul franar ils custs da sanadad

Ils custs da sanadad creschan actualmain mintg'onn per 3,9%. La scheffa da la pli gronda cassa da malsauns svizra CSS, Philomena Colatrella, vul limitar l'augment dals custs da sanadad sin 2,3% ad onn.

Philomena Colatrella.
Legenda: Philomena Colatrella, la scheffa da la pli gronda cassa da malsauns svizra CSS vul limitar l'augment dals custs da sanadad sin 2,3% ad onn. Keystone

L'onn 2000 haja ina famiglia cun dus uffants pajà tranter 8'000 e 10'000 francs ad onn per las premias da cassas da malsauns. Actualmain saja quest import bunamain sa dublegià sin 20'000 francs, quai ha ditg Colatrella en in'intervista cun la gasetta da la Svizra franzosa «Le temps».

Cun sustegn da la Confederaziun saja da definir ina sort radar che gidia ils differents acturs da s'orientar, ha declera la scheffa da la CSS. Ella propona in factur d'augment dals custs da sanadad da 2,3% ad onn. Quel resguardass l'index da paja, il svilup demografic sco er il progress en la medischina.

Cuntanscher quella finamira stuess tenor Colatrella esser pussaivel cun limitar tractaments inutils e pauc effizients. Ella stima la cumpart dals custs da sanadad per talas prestaziuns sin 20% dals custs totals.

RR novitads 10:00