La plattafurma da reservaziun Booking augmenta vinavant sia posiziun dominanta en Svizra. Sco ch’in nov studi da la scol'auta spezialisada Svizra romanda mussa, dovran quatter da tschintg hotels in program spezial per recumandar lur letgs vits. Quai scriva la «Sonntagszeitung». Avant la pandemia sajan quai anc stà var 60% dals hotels.
E tar las plattafurmas da reservaziun daventa Booking adina pli ferm. L'onn passà aveva la firma ina part dal martgà da 78%. In motiv saja surtut la digitalisaziun – pia adina daplirs che cudescheschan lur vacanzas online. Quai fetschia donn als hotels ed als giasts, din ils hoteliers.
Il mardi discuta il Cussegl naziunal davart la dominanza da Booking ed autras plattafurmas.
audio
Per tadlar: Las novitads da las 11:00
ord RTR Audio dals 06.03.2022.
laschar ir. Durada: 3 minutas 12 Secundas.