Siglir tar il cuntegn
Inhalt

Svizra Cudeschet da votaziun vegn distribuì - malgrà recurs

Il cudeschet da votaziun davart la lescha che permetta che detectivs observan persunas assicuradas, vegn tramess sco planisà. Il Tribunal federal ha refusà ina dumonda dal comité da referendum.

in cudeschet da votaziun sper in laptop
Legenda: La Confederaziun dastga trametter il cudeschet da las votaziuns dals 25 da november. (maletg da simbol) Keystone

En questa fasa da las preparativas per la votaziun na saja betg giustifitgà dad intervegnir per raschuns preventivas, argumentescha il Tribunal federal. Plinavant saja la midada da la lescha davart ils detectivs socials mo ina da trais fatschentas da votaziun en il cudeschet. Vitiers saja la spediziun gia fatga u preparada. Il Tribunal federal fa er attent, che la votaziun possia vegnir declerada sco nunvalaivla pli tard.

Il comité dal referendum aveva crititgà en ses recurs da votaziun che las autoritads communitgeschian tendenzius e derasian speculaziuns.

RR novitads 15:00